«ИТ-авыл» проекты җитәкчесе Никифоров Президент сайлауларында тавыш бирде
«ИТ-авыл» проекты җитәкчесе Николай Никифоров Россия Президентын сайлауларда катнашкан. Ул үзенең Телеграм-каналында сайлау участогында төшкән фотосурәтләре белән уртаклашкан.
«Сайлау ясалды», - дип язып куйган Никифоров үзенең постында.
Фото: © Денис Никифоровның телеграм-каналы
Элегрәк Татарстан Республикасы вице-премьеры Роман Шәйхетдинов Иннополиста яшь һәм актив сайлаучылар булуы күзәтелүе турында әйткән иде. 15:00 сәгатькә булган мәгълүматларга караганда, Россия Президентын сайлауга килү 23,24 процентны тәшкил иткән.
Искәртеп үтәбез, 15 мартта Татарстанда 65 территориаль һәм 2722 участок сайлау комиссиясе эшли башлады. Шулай ук хастаханәләрдә һәм шифаханәләрдә, тикшерү изоляторларында (СИЗО), вокзал һәм аэропортта вакытлыча 45 сайлау участогы ачылды.
Үз сайлавын 3 миллионга якын татарстанлы ясаячак. Алар 15, 16 һәм 17 мартта 8:00 сәгатьтән 20:00 сәгатькә кадәр тавыш бирә ала.
Сайлаулар уздыру сайлау комиссияләренең 22 мең әгъзасы тарафыннан башкарыла. Сайлау участокларында 16 меңнән артык күзәтүче эшли, шул исәптән чит ил күзәтүчеләре дә.
Россия Президентын сигезенче тапкыр сайлаулар 15, 16 һәм 17 мартта узачак. Сайлауларда дүрт кандидат катнаша:
Владислав Даванков («Яңа кешеләр» партиясеннән), Леонид Слуцкий (ЛДПР партиясеннән), Николай Харитонов (КПРФ партиясеннән) һәм дәүләтнең хәзерге башлыгы Владимир Путин (үз-үзен тәкъдим итүче буларак).