Хәвеф-хәтәр 27 март 2018 21:49

Истанбулда ватылган эскалаторга метро пассажиры төшеп киткән

Әлеге хәл метроның “Аязага” станциясендә килеп чыккан.

Скопировать ссылку

(Казан, 27 март, “Татар-информ”). Истанбулда метроның “Аязага” станциясендә пассажир ватылган эскалаторга төшеп киткән, дип хәбәр итә РИА “Новости”.

Роликтан күренгәнчә, пассажирлар туктап торган баскыч буйлап төшкәннәр. Трап кинәт хәрәкәткә килә, шул ук вакытта аның бер өлешендә баскычлары булмый.

Кешеләр кинәт трап селкенүдән егыла башлаганнар. Бер ир-ат тотынып кала алмыйча, механизм эченә төшеп киткән.

Агентлык мәгълүматлары буенча, зыян күрүчене аннан бер сәгатьләп чыгарганнар. Хәзер ул хастаханәдә, аның тормышына берни дә янамый.

#һәлакәт

Сәхифәләр

Истанбулда ватылган эскалаторга метро пассажиры төшеп киткән