Истанбулда Аяз Гыйләҗевның төрек телендә тагын бер әсәре дөнья күргән - "Идел"журналы
«Яра» повесте – язучының Төркиядә басылып чыккан өченче әсәре.
(Казан, 2 февраль, «Татар-информ», "Идел"). Февраль аенда Төркиянең Истанбул шәһәрендәге «Палто» нәшриятында Аяз Гыйләҗевның Фатих Кутлу тәрҗемәсендә «Яра» повесте дөнья күргән, дип хәбәр итә «Идел» журналы сайты.
Исегезгә төшерәбез: Аяз Гыйләҗевның тууына 80 ел тулу уңаеннан Төркиядә язучының «Өч аршын җир», 85 еллыгында - «Җомга көн, кич белән…» әсәрләре шул ук автор тәрҗемәсендә басылып чыккан иде инде.
А.Гыйләҗев Тәүфыйк Әйдигә язган бер хатында: «Яра» повесте ул - минем йөз аклыгым. ….Уңышлы әсәр - бәхетле картлык ул, гомерне озайтучы дәрман, иң мөһиме киләчәк буыннарга васыять тә ул. Әле мин татарлар җирдә яшәр, татар яшәгәндә, «Яра» повестьлары онытылмас дип, нык ышанам», ди.