Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Истанбулда Алтын Урдага багышланган форумда Татарстан галимнәре дә катнашачак
Алтын Урданың 750 еллыгы уңаеннан оештырылачак бу конференциягә Татарстанның Тарих институты, Казан Федераль университеты галимнәре барачак.
(Казан, 11 июнь, Татар-информ, Гөлназ Гыйлфанова). Быел Алтын Урданың 750 еллыгына багышланган күпсанлы чаралар уза. Шуларның берсе ноябрь аенда Төркиядә Истанбул университетында оештырыла. Ул “Алтын Урда һәм аның мирасы” дигән исем белән узачак, дип белдерде “Татар-информ” агентлыгына тарихчы Илнур Миргалиев.
- Илнур Миргалиев – тарихчы, Татарстан Фәннәр академиясе Ш.Мәрҗәни ис.Тарих институтының М.Госманов ис. Алтын Урда һәм татар ханлыкларын Тикшеренү үзәге җитәкчесе.
Конференциянең оештыру комитетына Татарстанның Тарих институты җитәкчесе Рафаиль Хәкимов кергән. Тарихи чараны әзерләү эшендә республиканың Алтын Урда һәм татар ханлыкларын Тикшеренү үзәге катнашкан.
Чарада Татарстаннан Марат Гатин, Раил Фәхретдинов, Ринат Нәбиев, археологлар Айрат Ситдыйков, Искәндәр Измайлов, Сергей Бочаров катнашыр дип көтелә. Шулай ук симпозиумда Төркия галимнәре Исенбикә Тоган, Мостафа Кафалы, Ильяс Кемалоглы, Мелек Озьетгин, Айсу Ата һәм башкалар көтелә.
Кызыклы яңалыкларны күзәтеп бару өчен Телеграм-каналга язылыгыз