Җәмгыять 3 гыйнвар 2017 14:55

Истанбул террористының гражданлыгы һәм шәхесе ачыкланган

Аның паспорты сурәтен һәм исемен TRT World телеканалында күрсәткәннәр.

Скопировать ссылку

(Казан, 3 гыйнвар, “Татар-информ”). Истанбулның төнге клубында терактны Кыргызстан гражданины 28 яшьлек Яхья Машрапов кылган дип шикләнелә. Аның паспортын һәм исемен TRT World телеканалы эфирында күрсәткәннәр.

Бу документ 2016 елның 21 октябрендә Кыргызстанның Дәүләт теркәү хезмәте тарафыннан бирелгән.

Исегезгә төшерәбез, яңа ел төнендә билгесез зат Босфор ярында урнашкан Reina төнге клубына Санта-Клаус костюмыннан үтеп кереп, биредә күңел ачучыларга автоматкан ут ачкан иде. Барлыгы бу көнне төнге клубта 800 кеше яңа елны каршы ала торган була. Теракт нәтиҗәсендә 39 кеше вафат була (шуларның 16сы чит ил кешеләре), 70е җәрәхәтләнә. Һәлак булганнар арасында 28 яшьлек россияле Нурана Гассанова, Ливан, Ливия, Марокко, Согуд Гәрабстаны һәм Израиль гражданнары да булган.

#Истанбул #теракт #Кыргызстан

Сәхифәләр

Истанбул террористының гражданлыгы һәм шәхесе ачыкланган