Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ислам хезмәттәшлеге оешмасы вәкиле: Россиядә мөселман мәдәнияте үсештә
![Ислам хезмәттәшлеге оешмасы вәкиле: Россиядә мөселман мәдәнияте үсештә](https://tatar-inform.tatar/resize/shd/images/uploads/news/2024/5/17/0d4556c5286d19add13751504a96b5a1.jpg)
14-19 майда Казанда «Россия – Ислам дөньясы: KazanForum» икътисад форумы кысаларында халыкара мөнәсәбәтләргә, илләр хезмәттәшлегенә багышланган чаралар үтә. Әлеге вакытта «Казан Экспо»да Ислам хезммәттәшлеге оешмасының 55 еллыгы уңаеннан Россия белән бу оешма илләренең күпкырлы хезмәттәшлегенә багышланган матбугат очрашуы үткәрелә.
![](https://tatar-inform.tatar/images/uploads/9b64d823f58a539268950c8346c1bcd9.jpg)
Фото: © «Татар-информ», Юлай Низаев
«Ислам хезмәттәшлеге оешмасы илләре даими рәвештә бергә эшчәнлек алып бара. Россиядә мөселман мәдәнияте үсештә. Мин әлеге форумда бик күп матбугат һәм массакүләм чаралары вәкилләре белән сөйләштем. Алга таба да хезмәттәшлегебез ныгыячак, дип ышанам», — диде Ислам хезмәттәшлеге оешмасының мәгълүмат департаменты директоры А. Салехи.
![](https://tatar-inform.tatar/images/uploads/aefdefd119ad6d36b4a80f33b21ee2ba.jpg)
Фото: © «Татар-информ», Юлай Низаев
«Әйтергә кирәк, әлеге очрашуның әһәмияте бик зур! «KazanForum» — Россия белән ислам дөньясы алдында шактый зур мөмкинлекләр ача. «Россия - Ислам дөньясы» стратегик күзаллау төркеменең роле бу җәһәттән ифрат зур», — дип сөйләде Ислам хезмәттәшлеге оешмасы генераль сәркатибенең сәяси сораулар буенча урынбасары Мөхәммәд Текая.
![](https://tatar-inform.tatar/images/uploads/f46813be9529966da8c9bda767a7baf2.jpg)
Фото: © «Татар-информ», Юлай Низаев
Матбугат очрашуы барышында Ислам хезмәттәшлеге оешмасы илләре белән нәтиҗәле эшчәнлек алып бару ысуллары хакында сүз алып барыла. Мәгълүмат киңлегендә, мәгариф һәм фән өлкәсендәге хезмәттәшлекнең дә мөһимлеген билгели экспертлар.
Кызыклы яңалыкларны күзәтеп бару өчен Телеграм-каналга язылыгыз