news_header_top
16+
news_header_bot
news_top

“Ислам – тынычлык, гаделлек һәм толерантлык дине” темасына конференция үткәреләчәк

Ул Санкт-Петербург Җәмигъ мәчетенә нигез салынуга бер гасыр тулуга багышлана

(Казан, 2 март, «Татар-информ»). 16 март көнне Санкт-Петербургның “Мәскәү” кунакханәсендә (Александр Невский мәйданы, 2) “Ислам – тынычлык, гаделлек һәм толерантлык дине” дип аталган конференция үткәреләчәк.

Санкт-Петербург Татар милли-мәдәни мохтарияте рәисе Рәис Яркәев “Татар-информ” мәгълүмат агентлыгына хәбәр иткәнчә, сәгать 11дә башланачак әлеге форум Санкт-Петербург Җәмигъ мәчетенә 100 ел тулу уңаеннан махсус оештырыла. Конференциядә катнашучылар өчен соңыннан, 16.30 сәгатьтән, концерт программасы тәкъдим ителә, анда керү исә – ирекле.



news_right_1
news_right_2
news_bot