Иске Татар бистәсендә Каз өмәсе милли бәйрәме билгеләп үтеләчәк
Скопировать ссылку
Казанның Иске Татар бистәсендә 4 ноябрьдә Каз өмәсе милли бәйрәме билгеләп үтеләчәк. Бу хакта «Иске шәһәр» префектурасында хәбәр иттеләр, дип яза Казан мэриясе.
Шәһәр халкы һәм кунаклары өчен музыкаль-театральләштерелгән тамаша оештырыла, аларга кышка казлар әзерләүнең милли йоласы күрсәтеләчәк, шулай ук барлык теләүчеләрне мичтә пешерелгән беленнәр белән сыйлаячаклар.
Бәйрәм 11:00 сәгатьтә Ш.Мәрҗани урамы, 8 адресы буенча урнашкан ресторан комплексы территориясендә башлана.
- Каз өмәсе – теләсә кайсы татар авылы тормышындагы мөһим вакыйга, ул тамырлары белән үткәнгә барып тоташа. Традиция буенча, көз ахырында, гадәттә, беренче боз катламы барлыкка килү белән, татар авылларында яшәүчеләр казларны эшкәртә, каурыйларын һәм мамыгын бергәләшеп чистарталар. Каз кешеләр тарафыннан кулга ияләштерелгән кошларның беренчесе дип санала.