Җәмгыять 23 май 2018 19:12

Иске Татар бистәсендә экскурсияләрне электрокарларда уздыралар

Экскурсиядә катнашучыларга шәһәр тарихы һәм Иске Татар бистәсенең истәлекле урыннары турында сөйлиләр.

Скопировать ссылку

(Казан, 23 май, “Татар-информ”).Казанда Иске Татар бистәсендә экскурсияләрне электрокарларда уздыралар. Бу хакта Казан мэриясе матбугат хезмәте хәбәр итә.

Каюм Насыйри урамында йөрү өчен туристлар һәм шәһәрлеләр 7-11 пассажирга исәпләнгән ике электрокарның берсен сайлый ала. Экскурсия алып баручысыннан башка сәяхәт 10-15 минут дәвам итәчәк, гид белән – ярты сәгатькә якын. Экскурсиядә катнашучыларга шәһәр тарихы һәм Иске Татар бистәсенең истәлекле урыннары турында сөйлиләр.

Яңа форматта экскурсияләр бер ай элек старт алды һәм җәйге туристик сезонга исәпләнгән. Линиядә штат гид эшли, кирәк булганда, Казан экскурсоводлары гильдиясенең гарәп, кытай һәм башка чит телләр белгән әгъзалары җәлеп ителәчәк.

#Казан мэриясе #экскурсия

Сәхифәләр

Иске Татар бистәсендә экскурсияләрне электрокарларда уздыралар