Җәмгыять 9 июль 2018 19:04

Иске Татар бистәсендә чәй фестивалендә самоварлар парады була

Чәй карнавалында казанлылар милли ризыклардан авыз итә алачак.

Скопировать ссылку

(Казан, 9 июль, “Татар-информ”). Казанда 13 июльдә Иске Татар бистәсенең Каюм Насыйри урамында төрле мәйданчыклар белән чәй фестивале узачак. Бу хакта Татарстан башкаласы мэрия матбугат хезмәте хәбәр итә.

Фестиваль кунаклары өчен шәһәрнең татар эстрадасы йолдызлары һәм иҗат коллективлары чыгыш ясаячак. Карнавалда шулай ук самоварлар парады оештырыла. Чәй карнавалында казанлылар милли ризыклардан авыз итә алачак. “Барысы да чәй турында” исеме белән китап базары да эшләячәк.

Спикерлар чәй өстәле сәнгате һәм татар чәе турында гамәли семинар уздырачак, төрле илләрдә һәм төрле халыкта чәй гореф-гадәтләре хакында лекторияләр оештыра. Шулай ук бәйге һәм викториналар әзерләнә.

Шәһәрнең яшь кунаклары интерактив уеннар һәм мастер-классларда катнаша алачак.

#милли ризыклар #самовар

Сәхифәләр

Иске Татар бистәсендә чәй фестивалендә самоварлар парады була