Якшәмбе, 2 апрельдә, Татарстанда һава температурасы +15 градуска кадәр күтәрелә, томан көтелә. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.
Республикада аязучан болытлы һава торышы көтелә. Явым-төшем ихтималы аз. Синоптиклар фаразлавынча, төнлә һәм иртән кайбер районнарда томан төшәргә мөмкин.
Төнлә һава температурасы -1..+4 градус, ә көндез +10..+15 градус фаразлана. Җил көнчыгыш, көньяк-көнчыгыштан уртача тизлектә була.