Иртәгә Казанда Татарстан Фотографлар берлеге фотобәйге-күргәзмә үткәрергә җыена
18 август көнне ТР Фотографлар берлеге Татарстан Мәдәният министрлыгы ярдәме белән Казан шәһәренең Горький исемендәге мәдәният һәм ял паркында «ФОТО-СУШКА» дип аталган фотобәйге-күргәзмә оештырырга ниятли.
«Барлык катнашырга теләүче профессиональ фотографларны һәм һәвәскәрләрне, шулай ук битараф булмаган затларны катнашырга чакырабыз! Эшләрне кабул итү 9:00-11: 00 сәгатьтә «Хезмәт резервлары» стадионы каршындагы мәйданчыкта булачак», — дип сөйләде ТР Фотографлар берлеге рәисе Виктория Шиһапова «Татар-информ» хәбәрчесенә.
Чара планы буенча, 11:30 сәгатьтә фотокүргәзмәне ачу, ә исә 17:00 сәгатьтә җиңүчеләрне игълан итү билгеләнгән. Бәйге рәвешендә үткәрелгән күргәзмә «Карап торучының күзләрендә матурлык» дигән тема белән үткәреләчәк.
Фото: © Ләйсән Газизова