Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Иртәгә Бөтенроссия татар журналистлары форумы башлана
Иртәгә, 9 октябрьдә, Казанда VII Бөтенроссия татар журналистлары форумы башлана. Форумны Бөтендөнья татар конгрессы белән «Татмедиа» Республика матбугат һәм массакүләм коммуникацияләр агентлыгы оештыра. Форум эшчәнлегендә катнашырга татар дөньясының иң актив каләм ияләре җыелачак. Бу хакта Бөтендөнья татар конгрессының матбугат хезмәте хәбәр итә.
Беренче көнне Бөтендөнья татар конгрессы Башкарма комитеты җитәкчесе Данис Шакиров белән очрашу планлаштырылган. Биредә төбәкләрдән килгән баш мөхәррирләрнең хисапларын тыңлау каралган.
10 октябрь көнне Татарстанның Әтнә районына сәфәр оештырыла. Журналистлар өчен район буйлап экскурсия һәм җирле җитәкчеләр белән очрашу уздырыла. Шулай ук алар Ш.Мәрҗани музеена, С.Хәким музеена һәм Түбән Бәрәскә авылындагы иң борынгы таш мәчеткә сәяхәт кылачак.
11 октябрь көнне форумның ябылу тантанасы уза. «Хәбәр» журналистлар бәйгесе һәм «Мин – укытучы» бәйгесе җиңүчеләрен бүләкләү тантанасы да оештырыла.
Кызыклы яңалыкларны күзәтеп бару өчен Телеграм-каналга язылыгыз