Архив 8 июнь 2009 18:56

Иртәгә Яңа Савин районында су бирү өлешчә туктатылачак

Сәбәбе – Ямашев проспекты буйлап салынган яңа су үткәргечне гамәлдәгесенә тоташтыру

Скопировать ссылку

(Казан, 8 июнь, «Татар-информ»). Казанда Ямашев проспекты буйлап салынган яңа су үткәргечне гамәлдәгесенә тоташтыру сәбәпле, 9 июньдә сәгать иртәнге 9дан төнге 11гә кадәр Яңа Савин районына кергән кайбер йортларга су бирелмәячәк. Төгәлрәге, бу уңайсызлыклар түбәндәге йортларга кагыла:
- Лаврентьев ур., 2, 4, 8-а;
- Әмирхан проспекты, 2, 2-а, 3, 6, 6-а, 8-а, 10, 10-а, 14-а;
- Адорадский ур., 25, 25-а;
- Ямашев проспекты,74, 74-а, 76, 80-а.

Нәтиҗәдә, күп фатирлы 13 йорт, 2 мәктәп, 3 балалар бакчасы көне буена сусыз торачак.

Шуны исәпкә алып, Әмирхан проспекты, 10 һәм Ямашев проспекты, 74 адреслары буенча су тутырылган автоцистерналар китертү күздә тотыла, дип хәбәр итә «Водоканал» муниципаль унитар предприятиесе һәм шушы йортлардагы казанлыларга алдан ук су җыеп куярга кирәклеген искәртә.

Сәхифәләр

Иртәгә Яңа Савин районында су бирү өлешчә туктатылачак