Иртәгә ТР ның күпчелек районында яңгыр, урыны белән юеш кар явуы көтелә
15-20 м/с тизлектә җил
(Казан, 1 октябрь, «Татар-информ»). Иртәгә төнлә һәм көндез республика буенча урыны белән һәм Казанда төньяк-көнчыгыштан 15-20 м/с тизлектә җил булачак.
ТР Гидрометеорология һәм әйләнә-тирә мохитне күзәтү идарәсе хәбәр итүенчә, 2 октябрьдә Татарстанда болытлы һава, күпчелек районнарда яңгыр, урыны белән юеш кар явуы көтелә.
Төнлә температура 0-5 градус җылы тәшкил итә, көндез – 2-7 градус. 3 октябрь төнендә 3 градус җылыдан 2 градуска кадәр салкын.
Иртәгә Казанда яңгыр явачак, төнлә 0-3 градус җылы, көндез 2-4.