Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Иртәгә Татарстанда яшенле яңгыр һәм көчле җил көтелә
19 июньдә төш вакытыннан алып, кичке сигезгә кадәр республикада һава шартлары бозылачак.
(Казан, 18 июнь, «Татар-информ»). ТР Гидрометеорология һәм әйләнә-тирә мохитне күзәтү идарәсе мәгълүматлары буенча, Татарстанда һава шартларының бозылуы көтелә. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәте хәбәр итә.
19 июньдә төш вакытыннан алып, кичке сигезгә кадәр республика территориясендә яшенле яңгыр явачак, төньяк-көнбатыштан искән җилнең тизлеге урыны белән секундына 15-20 метрга кадәр җитәчәк.
Гадәттән тыш хәлләр министрлыгында искәртүләренчә, көчле җил вакытында реклама такталары, вывескалар, юл билгеләре һәм электр тапшыру линияләреннән ераграк торырга кирәк. Автомобильләрне зур агачлар янында калдырмау хәерле. Шулай ук йорт диварлары буенда яки җәмәгать транспорты тукталышларында көчле җилдән ышыкланырга киңәш ителми.
Кызыклы яңалыкларны күзәтеп бару өчен Телеграм-каналга язылыгыз