Иртәгә Татарстанда - көзге матур көн
26 сентябрь төнендә урыны белән кыска вакытлы яңгыр явуы ихтимал
(Казан, 24 сентябрь, «Татар-информ»). Иртәгә Татарстанда җылы көзге һава торышы саклана, дип хәбәр итә ТР Гидрометеорология һәм әйләнә-тирә мохитне күзәтү идарәсе.
Иртәгә республикада алмашынучан болытлы һава, явым-төшем көтелми. Төнлә температура 4-9 градус җылы булачак. Көндез температура 16-21 градус җылы. 26 сентябрь төнендә урыны белән кыска вакытлы яңгыр явуы ихтимал, температура 5-10 градуска кадәр төшәргә мөмкин.
Татарстан башкаласында төнлә 4-9 градус җылы, көндез 17-20.