Җәмгыять 4 декабрь 2017 15:05

Иртәгә Татарстанда буран, бозлавык һәм томан көтелә

Республиканың кайбер районнарында бозлы яңгыр яварга, юлларда кар көртләре хасил булырга мөмкин.

Скопировать ссылку

(Казан, 4 декабрь, «Татар-информ»). Иртәгә Татарстанда буран, бозлавык һәм томан көтелә, дип хәбәр итә Татарстан Гидрометеорология һәм әйләнә-тирә мохитне күзәтү идарәсе.

5 декабрьдә төнлә һәм көндез республика территориясендә яңгыр, юеш кар, ә кайбер районнарда бозлы яңгыр явачак.

Татарстан Гидрометеорология һәм әйләнә-тирә мохитне күзәтү идарәсе шулай ук буран, томан һәм бозлавык хакында кисәтә. Юлларда кар көртләре хасил булырга мөмкин.

Казанда төнлә юеш кар, урыны белән бозлы яңгыр явачак. Көндез Татарстан башкаласында юеш кар көтелә. Татарстан Гидрометеорология һәм әйләнә-тирә мохитне күзәтү идарәсе шулай ук төнлә Казанда урыны белән бозлавык, томан булачагы, көндез буран чыгачагы хакында хәбәр итә.

Республикада җилнең тизлеге секундына - 15-20, ә Казанда 15 метрга җитәргә мөмкин.

#томан #бозлавык #буран

Сәхифәләр

Иртәгә Татарстанда буран, бозлавык һәм томан көтелә