Иртәгә Татарстанда авыл хуҗалыгы ярминкәләре узачак
Казанда, Чаллыда, шулай ук Яшел Үзән районының Октябрьский бистәсендә авыл хуҗалыгы продукциясен һәм көндәлек кирәк-яракларын сатачаклар.
(Казан, 23 ноябрь, "Татар-информ"). 24 ноябрьдә Казанда, Чаллыда, шулай ук Яшел Үзән районының Октябрьский бистәсендә авыл хуҗалыгы продукциясен һәм көндәлек кирәк-яракларын сату буенча гадәттәге авыл хуҗалыгы ярминкәләре узачак. Бу турыда Татарстанның Авыл хуҗалыгы һәм азык-төлек министрлыгы матбугат хезмәте хәбәр итте.
Казанның Совет районында авыл хуҗалыгы ярминкәләре Дәрвишләр бистәсендә, «Казан» агросәнәгать паркы ярминкә мәйданчыгы территориясендә, Яңа Савин районында "Бәхетле" сәүдә үзәге мәйданчыгында, Авиатөзелеш районындагы "Бәхетле" сәүдә комплексы каршында, Киров районында чатыр ярминкәсе каршындагы мәйданчыкта, Юдино поселогында Тимер юлчылар Мәдәният йорты каршында оештырыла.
Вахитов районында ярминкә Кәрим Тинчурин исемендәге парк каршында, Мәскәү районында Энергетиклар һәм Шамил Усманов урамнары ягыннан Мәскәү базары янындагы мәйданчыкта була.
Моннан тыш, авыл хуҗалыгы продукциясен сату Яшел Үзән районының Октябрьский бистәсендә “Яңа Тура” технополисы территориясендә оештырыла.
Чаллы шәһәрендә ярминкәләр өч мәйданчыкта оештырыла: “Төзүче” стадионында, "Южный" агросәнәгать паркында һәм Ипподром территориясендә узачак.