Иртәгә Татарстанда 19 градус җылы булачак
Республика территориясендә явым-төшемнәр көтелми.
Скопировать ссылку
(Казан, 9 октябрь, «Татар-информ»). Иртәгә, 10 октябрьдә, Татарстан территориясендә коры һәм җылы һава торышы сакланачак. Бу хакта Татарстан Республикасы Гидрометеорология үзәге хәбәр итә.
Республикада алмашынучан-болытлы һава көтелә. Явым-төшемнәр фаразланмый. Көньяк-көнбатыштан уртача тизлектәге җил исәчәк.
Төбәктә төнлә һава температурасы +3..+8 градус җылы булачак. Көндез һава температурасы +14, +19 градуска кадәр җылыначак.