Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Иртәгә Татарстан Республикасында барлык күңел ачу чаралары кичектерелә
Республиканың барлык муниципаль берәмлекләренә һәм театр-тамаша учреждениеләренә тиешле күрсәтмәләр җибәрелде.
(Казан, 27 март, “Татар-информ”). Россиядә илкүләм матәм көне дип игълан ителү сәбәпле, иртәгә Татарстан Республикасында барлык күңел ачу чаралары кичектерелә. Бу хакта Татарстан Мәдәният министрлыгы сайтында хәбәр ителә.
Моңа бәйле рәвештә, Татарстан Республикасы мәдәният учреждениеләрендә барлык концертлар, спектакльләр һәм башка күңел ачу чаралары кичектерелә. Республиканың барлык муниципаль берәмлекләренә һәм театр-тамаша учреждениеләренә тиешле күрсәтмәләр җибәрелде.
Шул исәптән, 28 мартка ниятләнгән А.М.Горькийның тууына 150 ел тулуга багышланган чаралар да кичектерелә.
Булмый калган чараларның кайсы көннәргә күчерелүе турындагы мәгълүмат мәдәният учреждениеләре сайтларында өстәмә рәвештә урнаштырылачак.
Кызыклы яңалыкларны күзәтеп бару өчен Телеграм-каналга язылыгыз