Авыл 2 октябрь 2009 18:46

Иртәгә «MEGA» сәүдә үзәге янында республикакүләм авыл хуҗалыгы ярминкәсе булачак

Анда куеласы уңышны башлангыч һәм урта һөнәри белем алучы, гомумбелем бирү мәктәпләрендә укучы балалар үстергән, дип белдерде ТР хезмәт, мәшгульлек һәм социаль яклау министры Айрат Шәфигуллин

Скопировать ссылку

(Казан, 2 октябрь, «Татар-информ», Миләүшә Низаметдинова). 3 сентярь көнне 9.00-14.00 сәгатьләрдә Казанның «MEGA» гаилә сәүдә үзәге янындагы мәйданда (Җиңү проспекты, 141) республикакүләм авыл хуҗалыгы ярминкәсе булачак. Анда куеласы уңышны башлангыч һәм урта һөнәри белем алучы, гомумбелем һәм өстәмә белем бирү мәктәпләрендә укучы балалар үстергән, дип белдерде бүген журналистлар белән булган очрашуда ТР хезмәт, мәшгульлек һәм социаль яклау министры Айрат Шәфигуллин.

Министр сүзләренчә, әлеге ярминкәгә куеласы товарның сыйфаты югары, шулай да, бәясе түбән. «Укучы балаларның кәефе шуңа бераз кырылса да, хезмәтләренең нәтиҗәсен республика башкаласы Казанда күрсәтә алу мөмкинлеге канатландыра. Шулай булгач, казанлылар бу форсаттан файдаланып калсын иде», - ди ул.

Сәхифәләр

Иртәгә «MEGA» сәүдә үзәге янында республикакүләм авыл хуҗалыгы ярминкәсе булачак