Җәмгыять 11 апрель 2005 18:09

Иртәгә Казансуда су ташуга әзерлекне тикшерәләр

Скопировать ссылку

(Казан, 11 апрель, "Татар-информ", Наталья Рыбакова). ТР Гражданнар оборонасы һәм гадәттән тыш хәлләр министрлыгының янгын сүндерү-коткару берләшмәләренең язгы ташу нәтиҗәсендә булырга мөмкин булган гадәттән тыш хәлләргә әзерлекләрен тикшерү булачак.

Өйрәнүләр Казансуның файдаланылмый торган күпере аша Гаврилов урамы тирәсендә өченче транспорт дамбасында булачак. Анда Дәүләт Янгынга каршы хезмәт бүлекчәсенең шәхси составы белгечләре, ТР Гражданнар оборонасы һәм гадәттән тыш хәлләр министрлыгының оператив төркеме, Казан һәм Татарстанның эзләү-коткару отрядлары, шулай ук бу министрлыкның республика реабилитация үзәгенең медик-психологик реабилитация һәм катастрофа медицинасы үзәге бригадасы катнашачак. Алар зыян күрүчеләрне судан чыгару, табиблар килгәнче беренче ярдәм күрсәтү осталыкларын, шулай ук язгы ташуны бетерү өчен корылма һәм җиһазларны сынап караячак.

Сәхифәләр

Иртәгә Казансуда су ташуга әзерлекне тикшерәләр