Җәмгыять 30 ноябрь 2017 16:41

Иртәгә Казанда X Бөтенроссия Кан хезмәте форумы ачыла

Чарада Россиядә кан һәм аның компонентлары донорлыгы үсеше мәсьәләләре күтәреләчәк.

Скопировать ссылку

(Казан, 30 ноябрь, “Татар-информ”, Гөлнар Гарифуллина). Татарстан Республикасы кан хезмәтенең 85 еллыгы кысаларында, иртәгә 1 нче декабрь көнне Казанда X Бөтенроссия Кан хезмәте форумы узачак. Анда хезмәтне үстерү буенча гамәлгә ашырылган чараларга йомгак ясалачак. Бу хакта Татарстанның Сәламәтлек саклау министрлыгының матбугат хезмәте хәбәр итә.

Форумда катнашучылар кан хезмәтенең федераль программасы нәтиҗәләре һәм донорлар контингенты белән хезмәттәшлек перспективалары турында сөйләшәчәк. Шулай ук Россиядә кан һәм аның компонентлары донорлыгы үсеше мәсьәләләре күтәреләчәк.

Пленар утырышта Россия Федераль медицина-биология агентлыгы җитәкчесе Владимир Уйба, шушы агентлыкның кан үзәгенең баш табибы София Голосова һәм башкалар катнашачак. Татарстан вәкилләре бездә кан хезмәте эше ничек оештырылуы турында сөйләячәк.

Пленар утырыш барышында донорлык хәрәкәте үсешенә теләктәшлек итүче оешма һәм компанияләр бүләкләнер дип көтелә. Чара “Корстон” комплексында узачак.

#Сәламәтлек саклау министрлыгы #донор

Сәхифәләр

Иртәгә Казанда X Бөтенроссия Кан хезмәте форумы ачыла