Спорт 9 сентябрь 2014 16:55

Иртәгә Казанда укучылар өчен Олимпия дәресе узачак

Кунаклар укучыларга спорттагы казанышлары, физик тәрбия һәм спорт белән шөгыльләнүнең әһәмияте турында сөйләячәк.

Скопировать ссылку

(Казан, 9 сентябрь, “Татар-информ”). Иртәгә, 10 нчы сентябрь көнне, Казанның 21 нче санлы гимназиясендә (Зорге урамы, 71) 6-9 нчы сыйныф укучылары өчен ачык Олимпия дәресе узачак. Укучылар белән очрашуга танылган спортчылар киләчәк.

Олимпия дәресен “Синтез” ватерполо клубы баш тренеры, 2000 һәм 2004 нче елгы Олимпия уеннары призеры, Спортның су төрләре буенча 2015 нче елгы Дөнья чемпионаты илчесе Ирек Зиннуров, танылган динамовчы-спортчылар: 2012 нче елгы олимпия чемпионкасы, дөнья һәм Ауропа чемпионкасы, җиңел атлетика буенча атказанган спорт остасы Юлия Зарипова, дөнья һәм Россия чемпионатларының берничә мәртәбә призеры, Дөнья кубогының көмеш призеры, академик ишү буенча халыкара класслы спорт остасы Артем Косов, ТР “Динамо” физкультура-спорт җәмгыяте рәисе урынбасары Салават Гайсин һәм Россиянең атказанган тренеры, ТР Дәүләт Советына депутатлыкка кандидат Ольга Павлова үткәрә.

Дәрес тәмамлангач, укучылар данлыклы спортчылар белән аралашып, алардан автограф алып, истәлеккә фотога төшә алачак, дип хәбәр итә ТР “Динамо” физкультура-спорт җәмгыяте матбугат хезмәте.

Сәхифәләр

Иртәгә Казанда укучылар өчен Олимпия дәресе узачак