Дин 22 май 2007 15:42

Иртәгә Казанда мөселман яшьләр клубы ачылачак

Скопировать ссылку

(Казан, 22 май, «Татар-информ», Ландыш Харрасова). Иртәгә ТР мөселманнары Диния Нәзарәтендә «Азан-Призыв» дигән мөселман яшьләре клубы ачылачак. ТР мөслимәләр Берлеге оештырган бу чараның максаты – дин белән кызыксынучы яшьләрне бер-берсе белән таныштыруга ярдәм итү, рухи тәрбия бирү һәм интеллектуаль үсешне арттыру.

ТР мөслимәләр Берлеге рәисе Наилә Җиһаншина «Татар-информ» хәбәрчесенә белдерүенчә, клубның утырышларында Россия Ислам университеты мөгаллимнәре, мәчет имамнары лекцияләре каралган. Шулай ук монда татар теле курсы да оештырылачак, профессиональ димләүчене чакыру да күздә тотыла.

Беренче лекциягә исә «На пути к бесконечности» проекты авторы Хәсән Җиһаншин килер дип көтелә.

Наилә Җиһаншина сүзләренә караганда, әлеге клуб күбрәк студентлар өчен оештырыла, май аенда аның ачылышын гына игълан итү каралган, ә калган утырышлар көзгә билгеләнгән.

Сәхифәләр

Иртәгә Казанда мөселман яшьләр клубы ачылачак