news_header_top
16+
news_header_bot
news_top

Иртәгә Казанда Хатын-кызлар халыкара клубы чираттагы утырышын уздыра

Бу юлы аның кунаклары Америка актрисасы Мэри Бэдхем белән Франциянең «Шантевер» хатын-кызлар хоры вәкилләре булачак

(Казан, 24 апрель, «Татар-информ»). Иртәгә Казан шәһәренең Хатын-кызлар халыкара клубы чираттагы утырышын уздыра. Очрашуны Казандагы Америка үзәге белән «Альянс Франсез Казан» җәмгыяте ТР Президентының Тышкы элемтәләр департаменты, Дәүләт протоколы идарәсе булышлыгында уздыра.
Хатын-кызлар клубының 25 апрельдә узачак утырышына кунак итеп Америка актрисасы Мэри Бэдхем белән Франциянең (Сэссон шәһәреннән) «Шантевер» хатын-кызлар хоры вәкилләре чакырылган.
Маржолен Ремон җитәкчелегендәге «Шантевер» хоры бу көннәрдә Казан тамашачысы алдында чыгыш ясый. Ә бүген төп рольне Мэри Бэдхем башкарган «Убить пересмешника» фильмы «Мир» кинотеатрында кичке 7 дә тәкъдим ителәчәк. Бу чарада актриса үзе дә катнаша.

news_right_1
news_right_2
news_bot