Дин 19 ноябрь 2009 10:37

Иртәгә Буа районы Килдураз авылында мәчет ачыла

Якын арада Татарстанда яңа 8 мәчет ачылачак

Скопировать ссылку

(Казан, 19 ноябрь, “Татар-информ”). Иртәгә – 20 ноябрьдә республиканың Буа районы Килдураз авылында мәчет ачыла. Тулаем алганда, якын арада Татарстанда яңа 8 мәчет ачылачак. ТР Мөселманнары диния нәзарәте матбугат хезмәте хәбәр иткәнчә, Теләче һәм Мамадыш районнарында 2 мәчет дин тотучыларны шатландырган инде.

Шулай итеп Корбан гаетенә кадәр Саба районының - Тинеки һәм Олы Кибәче, Сарман районының Түбән Лашан авылларында – 21 ноябрьдә, Сарман районының Петровка авылында – 22 ноябрьдә, Актаныш районының Яңа Кормаш авылында 23 ноябрьдә мәчетләр ачылыр дип көтелә.

Сәхифәләр

Иртәгә Буа районы Килдураз авылында мәчет ачыла