Фән һәм мәгариф 10 июнь 2010 16:49

Иртәгә Бердәм дәүләт имтиханын тарих һәм физикадан тапшыралар

11 июньдә шулай ук татар теленнән дә Бердәм республика имтиханы уза

Скопировать ссылку

(Казан, 10 июнь, “Татар-информ”, Римма Гатина). Иртәгә – 11 июньдә - республика мәктәпләрен тәмамлаучы укучылар Россия тарихыннан һәм физикадан сынау тота. ТР Мәгариф һәм фән министрлыгыннан алынган мәгълүматларга караганда, Россия тарихыннан – 3 678, физикадан 5823 укучы имтихан тапшырырга теләп заявка биргән.
Иртәгә шулай ук татар теленнән дә Бердәм республика имтиханы уза. Барлыгы 69 укучы сынау тотарга теләп заявка биргән.
Бу уку елында укучылар Бердәм дәүләт имтиханын - 13 гомумбелем бирү предметы, ә Бердәм республика имтиханын 2 предмет (татар теле һәм татар әдәбияты) буенча тапшыралар.
Чираттагы имтиханнар 15 июньдә – җәмгыять белеме, географиядән һәм татар әдәбиятыннан.

Сәхифәләр

Иртәгә Бердәм дәүләт имтиханын тарих һәм физикадан тапшыралар