Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Иркутск өлкәсенең Чуна бистәсе мөселман җәмгыяте авыл халкы өчен бәйрәм оештырган
Иркутск өлкәсенең Чуна районы Чуна бистәсе оешуның 77 еллыгы хөрмәтенә бәйрәм оештырганнар. Аны «Чуна бистәсе мөселман җәмгыяте» дини оешмасы рәисе Нуртын Низамов җитәкчелегендә мөселман-активистлар әзерләгән. Бу хакта Россия Федерациясе мөселманнарының Дини җыены үзәкләштерелгән дини оешмасы матбугат хезмәте хәбәр итә.
Нуртын хәзрәт авыл халкын өлкә мөфтие Фәрит хәзрәт Мингалиев исеменнән котлаган. Үзенең мөрәҗәгатендә ул барысына да уңышлар, тынычлык һәм татулык теләгән.
Хәбәрдә әйтелгәнчә, биредә мөселманнар күп яши. Алар бистәнең иҗтимагый тормышында актив катнаша: хәйрия акцияләре үткәрелә, яшьләрне рухи-әхлакый тәрбияләү, милләтара һәм конфессияара мөнәсәбәтләрне гармонияләштерү нисбәтеннән зур эш башкарыла. Мәчет үз көчләре белән кыска вакыт аралыгында төзелгән. Ислам нигезләре буенча якшәмбе курслары ачылган. Татар теле һәм ата-бабаларның милли традицияләре торгызыла.
Бәйрәм ахырында мөселман җәмгыяте әгъзалары өлкән яшьтәгеләр, күп балалы гаиләләр һәм махсус хәрби операциядә катнашучы хәрбиләрнең гаилә әгъзалары өчен сый оештырдылар, диелгән хәбәрдә.
Кызыклы яңалыкларны күзәтеп бару өчен Телеграм-каналга язылыгыз