Ирина Воронкова Казанның “Динамо” командасы уенчылары һәм җанатарлары белән саубуллашты
Волейболчы карьерасын Россия Суперлигасының яңа клубы – Калининград “Локомотив”ында дәвам итәчәк.
(Казан, 28 апрель, “Татар-информ”, Алексей Анисимов). “Динамо-Казан” хатын-кызлар волейбол командасы уенчысы Ирина Воронкова Instagram да үз аккаутында командадан китүе турында хәбәр итте һәм җанатарлар белән саубуллашты.
Волейболчы яңа командага күчү турындагы карар кабул итү җиңел булмавын билгеләп үтте. Воронкова карьрасын Калининградның “Локомотив” командасында дәвам итәчәк. Яңа команданың тренеры - аның әтисе Андрей Воронков.
“Янымда булганыгыз өчен зур рәхмәт. Уенчылар башка командаларга еш китә, бу карар җиңел бирелмәде. Әмма кире кайтачакмын. Һәр уен саен гаилә атмосферасы тудырганыгыз, ачык эмоцияләр өчен рәхмәт”, дип мөрәҗәгать итте Воронкова “Динамо” командасындагы дус кызларына һәм команда җанатарларына.