Ирина Волынец: Мәктәпләрдәге конфликтлар өй шартларында укучылар санын арттыра

Ул соңгы айда, ата-аналардан, республикада гаилә белеменә тискәре мөнәсәбәт белән бәйле борчылу турында мөрәҗәгатьләр килгәнен әйтте.

Скопировать ссылку

(Казан, 16 март, «Татар-информ», Гөлнар Гарифуллина). Татарстанда бала хокуклары буенча вәкаләтле вәкил Ирина Волынец мәктәпләрдәге конфликтлар өй шартларында укучылар санын арттырганын әйтте.

«Бала юлыккан конфликт, уңышсызлык очраклары, ата-ананың конфликтны чишүгә өмете булмавы балаларның гаиләдә, өй шартларында укучылар санын арттыра. Мондый балаларның саны 65 процентка арткан», — диде Волынец Дәүләт Советы утырышында.

Аның сүзләренчә, балалар бакчаларында һәм мәктәпләрдә конфликтлар буенча мөрәҗәгатьләр артуы борчу тудыра. Аларны кисәтү өчен, балалар омбудсмены педагогларга, ата-аналарга белешмәлекләр әзерләнгәнен әйтте.

«Белем бирү йортында психологик куркынычсызлык өчен ата-аналарның борчылуы артуы аркасында, мәктәпләрдә конфликтларга китерүче кыенлыкларны анализлау, педагогларның компетенцияләрен арттыру, балаларда агрессия, хафалануны киметү, мәктәпләрдә медиация хезмәтләрен үстерү кирәк», — дип белдерде Ирина Волынец.

Волынец балаларын өйдә тиешенчә укыткан намуслы ата-аналар да булганын искәртте. Ул бу категория балалар өчен мәҗбүри аттестация үткәрү турында федераль законга үзгәрешләр кертү тәкъдиме белән чыгарга киңәш итте.

Сәхифәләр

Ирина Волынец: Мәктәпләрдәге конфликтлар өй шартларында укучылар санын арттыра