Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Ирина Волынец Татарстанның балалы гаиләләргә ярдәмне көчәйтүе турында сөйләде
Төбәкара хезмәттәшлек һәм тәҗрибә уртаклашу кысаларында Татарстан белгечләре Россиянең башка төбәкләре практикаларын өйрәнә һәм балалы гаиләләргә ярдәм итүнең үз ысуллары белән уртаклашалар. Татарстанда Бала хокуклары буенча вәкаләтле вәкил Ирина Волынец сүзләренчә, республика илдә иң алга киткән социаль ярдәм системасын күрсәтә.
Татарстанда гаиләләргә ярдәм пособиеләр, ташламалар һәм түләүләрне генә түгел, ә җәяү барып җитү мөмкинлеге булган заманча мәктәпләрне, һәркем файдалана алырлык медицина һәм әйләнә-тирә мохитне дә үз эченә ала.
Чагыштыру күрсәткечләре ярдәм чараларының артуын чагылдыра: 2010 елда 44 республика инициативасы гамәлдә булса, 2025 елга аларның саны 62 гә җитте, шул исәптән 4 федераль һәм 58 төбәк инициативасы. 2024 елда республикада яшәүче 1,1 миллион кеше социаль программалардан файдаланган.
Гаиләләргә һәм күп балалы гаиләләргә адреслы ярдәм күрсәтүгә аерым игътибар бирелә. 2013 елдан 2025 елга кадәр аларның саны 2,4 тапкырга арткан – 24,4 меңнән 58,8 меңгә кадәр.
Ярдәм чаралары исемлегенә ана капиталы, йөклелек һәм бала табу буенча пособиеләр, яшәү минимумыннан түбән керемле гаиләләргә бердәм пособие, авылда бала тапкан аналарга түләүләр, балалар бакчасы өчен түләүне компенсацияләү һәм башка инициативалар керә.
Ирина Волынец ассызыклаганча, Татарстан Рәисе Рөстәм Миңнеханов сәясәте өстенлекләре нигезендә балалы гаиләләргә ярдәм төбәктәге эшнең төп юнәлешләренең берсе булып кала.
Балалы гаиләләргә ярдәм «Гаилә» илкүләм проекты максатларына туры килә.
Кызыклы яңалыкларны күзәтеп бару өчен Телеграм-каналга язылыгыз