Ирек Зиннуров: Мин тотрыклылык өчен тавыш бирергә килдем
Россия Дәүләт Думасы депутаты тавыш бирүдә катнашуның мөһимлеген әйтте.
(Казан, 13 сентябрь, «Татар-информ», Артур Шипилов). Россия Дәүләт Думасында Татарстаннан депутат Ирек Зиннуров көзге сайлауларда катнашты. Ул Казандагы участокларның берсендә тавыш бирде.
«Мин республикабызның тотрыклылыгы өчен тавыш бирергә килдем. Ул үсештән гыйбарәт — 80, 90 нчы елларда һәм хәзер нәрсәләр булганын чагыштырыгыз. Бу - күк белән җир арасы. Киләчәк Президенттан бу тотрыклылыкның дәвам итүне көтәм», - диде Зиннуров.
Депутат хәзерге вакытта ни өчен тавыш бирү мөһим булуын аңлатты. «Республика Президентының кем булуы һәр тавыштан бәйле. Моңа мин битараф түгел. Минем өчен бу кешенең Татарстан өчен мөмкин кадәр күбрәк эшләр башкаруы мөһим», - диде ул.
Татарстанда 11-13 сентябрьдә ТР Президентын сайлау, массакүләм муниципаль сайлау, шулай ук РФ Дәүләт Думасына һәм Татарстан Дәүләт Советына ике сайлау округы буенча өстәмә сайлау уза.