Спорт 26 сентябрь 2009 15:54

Ирек Зиннуров командасы Ауропа беренчелегендә 9 нчы урынны алу өчен көч сынаша

Казанның данлыклы ватерполчысы җитәкчелегендәге ватерпол буенча Россия яшүсмерләр җыелма командасы Ауропа беренчелегендә 9 нчы урынны алу өчен көч сынаша

Скопировать ссылку

(Казан, 26 сентябрь, “Татар–информ”, Михаил Миронов). Казанның данлыклы ватерполчысы Ирек Зиннуров җитәкчелегендәге ватерпол буенча Россия яшүсмерләр җыелма командасы (20 яшькә кадәргеләр) Ауропа беренчелегендә 9 нчы урынны алу өчен көч сынаша. Матч Грециянең Ханья шәһәрендә узачак.
1/8 финалы стадиясендә Черногория командасына оттырганнан соң, Россия ватерполчылары ике тапкыр рәттән җиңү яулады. Иң элек алар киеренке көрәштә Төркия ватерполчыларын 9:8 исәбенә бирелдерсә, бүген россиялеләр Словения командасын 15:2 исәбенә тар–мар итте.
Бүгенге очрашуда Казанның ватерпол мәктәбендә шөгыльләнүче Кирилл Тихонов иң нәтиҗәле уенчы дип табылды – аның исәбендә дүрт туп. Казан ватерпол мәктәбенең башка вәкилләре дә сынатмады: Гадел Латыйпов – 2, Альберт Зиннәтуллин һәм Игорь Плискевич берәр туп кертте.
Иртәгә Ирек Зиннуров уенчылары турнирда соңгы матчын үткәрә.
Словения - Россия – 2:15 (1:2, 0:5, 1:5, 0:3).

Сәхифәләр

Ирек Зиннуров командасы Ауропа беренчелегендә 9 нчы урынны алу өчен көч сынаша