Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ирек Фәйзуллин: Татарстанлыларның 50,3 проценты ТКХ хезмәтләре өчен онлайн түли
Республикада яшәүчеләр Хөкүмәткә торак-коммуналь хуҗалык мәсьәләләре буенча ешрак мөрәҗәгать итә башлаган.
(Казан, 14 сентябрь, «Татар-информ»). Татарстанда яшәүчеләрнең 50,3 проценты торак-коммуналь хуҗалык хезмәтләре өчен онлайн түли, дип белдерде республика төзелеш, архитектура һәм ТКХ министры Ирек Фәйзуллин ТР Хөкүмәте йортында узган республика киңәшмәсендә. Бу хакта ТР Президентының матбугат хезмәте хәбәр итә.
Татарстанның барлык районнары белән видеоконференцэлемтә режимындагы киңәшмәне ТР Премьер-министры Алексей Песошин үткәрде.
Министр шулай ук республикада яшәүчеләрнең Хөкүмәткә торак-коммуналь хуҗалык мәсьәләләре буенча ешрак мөрәҗәгать итә башлавын әйтте. Ел башыннан алып барлыгы 12,8 мең мөрәҗәгать килгән, бу 2018 елның шул чоры белән чагыштырганда 1,2 меңгә күбрәк. Мөрәҗәгатьләрнең 68 проценты — йорт милкен карап тотуга, 10 проценты торак-коммуналь хуҗалык хезмәтләре өчен түләүләргә кагыла.
Татарстанның кайбер районнарында торак-коммуналь хуҗалык хезмәтләре өчен түләүләр буенча берникадәр бурыч җыелган. Әйтик, Югары Ослан һәм Әгерҗе районнарында ул өч айдан артып китә.
Кызыклы яңалыкларны күзәтеп бару өчен Телеграм-каналга язылыгыз