Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Иранда самолет һәлакәткә очраганнан соң Казаннан Дубайга рейслар гамәлдән чыгарылмады
Массакүләм мәгълүмат чараларында Татарстан башкаласыннан рейсларны «Украинаның халыкара авиалинияләре» самолеты һәлакәтеннән соң гамәлдән чыгарганнар, дигән мәгълүмат пәйда булды.
(Казан, 9 гыйнвар, «Татар-информ»). Иранда самолет һәлакәткә юлыкканнан соң Казаннан Дубайга рейсларны гамәлдән чыгармаганнар. Бу хакта «Казан» халыкара аэропортының матбугат секретаре Гадел Гатауллин хәбәр итте.
Элегрәк массакүләм мәгълүмат чараларында Украина авиакомпаниясе самолеты һәлакәткә очрагач, Казаннан Дубайга рейсларны вакытлыча гамәлдән чыгарганнар дигән мәгълүмат пәйда булган иде.
«Татар-информ»га Гадел Гатауллин ачыклап узганча, Татарстан башкаласыннан Берләшкән Гарәп Әмирлекләренә бер генә рейс да гамәлдән чыгарылмаган.
Фаҗига кичә иртән килеп чыкты. Киевка рейс ясаучы «Украинаның халыкара авиалинияләре» самолеты Имам Хомейни исемендәге аэропорттан очып китү белән җиргә килеп төшә. Авария нәтиҗәсендә 176 кеше һәлак булган. Башлангыч фаразлар буенча, һәлакәт двигательнең төзек булмавы аркасында килеп чыккан.
Кызыклы яңалыкларны күзәтеп бару өчен Телеграм-каналга язылыгыз