Ирада Əюпова: Мәдәният учреждениеләренең репертуар сәясәте актуаль тема
Мәдәният учреждениеләренең репертуар сәясәте һәм контент эчтәлеге актуаль тема дип белдерде мәдәният министры Ирада Əюпова ТР Мәдәният министрлыгының йомгаклау коллегиясенең Татарстан Милли китапханәсендә узган утырышындагы чыгышында.
«Мәдәни контентның идея эчтәлеге - җәмәгатьчелек таләбе дә. Биредә мәдәни чараларның маркировкасы да зур роль уйный», – диде министр.
Ирада Əюпова кайбер очракларда бу мәсьәләдә хаталар булуын һәм аларның Мәдәният министрлыгы яки җәмәгатьчелек реакциясе ярдәме белән төзәтелүен ассызыклады.
Утырышта Татарстан Фәннәр академиясе вице-президенты Айнур Тимерханов, Мамадыш районы башкарма комитетының мәдәният бүлеге мөдире Степан Спиридонов, Зөя утрау-шәһәрчеге тарихи-архитектура һәм сәнгать музей-тыюлыгы директоры Артем Силкин чыгыш ясады. Татарстан Республикасы Премьер-министр урынбасары Ләйлә Фазлыева катнашты.
