Ирада Әюпова: Татарстан «Пушкин картасы» мөмкинлекләрен әле тулысынча файдаланмады
Татарстан «Пушкин картасы» белән билет сату һәм керем күләме буенча 4нче урында. Мәдәният министры Ирада Әюпова фикеренчә, республика «Пушкин картасы» мөмкинлекләрен әле тулысынча файдаланмаган.
«Татарстан Республикасы «Пушкин картасы» программасын гамәлгә ашыру буенча Мәскәү, Санкт-Петербург һәм Башкортстаннан соң лидердар рәтендә. 2023 елгы нәтиҗәләр буенча мәдәният учреждениеләр 451,3 млн сумга 1,3 млн билет сатканнар. Без «Пушкин картасы» потенциалын нибары 35 процентка кулланганбыз», – диде Ирада Әюпова Мәдәният министрлыгы коллегиясе утырышында.
Министр музейлар һәм концерт оешмалары буенча күрсәткечләрнең начар булмавын, әмма мәгариф учреждениеләре һәм мәдәният-күңел ачу учреждениеләре буенча эшчәнлекне үстерәсе булуын җиткерде.