Ирада Әюпова «Алтын битлек» кунакларын Камал театры баскычында сәламләде
Скопировать ссылку
Татарстан мәдәният министры Ирада Әюпова XXXI «Алтын битлек» Россия милли театр премиясен тапшыру тантанасында катнашучыларны Камал театрының яңа бинасы баскычында сәламләде.
Бүген, 26 июньдә, Казанда XXXI «Алтын битлек» Россия милли театр премиясен тапшыру тантанасы уза. Чара премия тарихында Мәскәүдән читтә уздырылган беренче тантана булып тора. Тантана кысаларында 2023-2024 еллар сезонының иң яхшы спектакльләре һәм аерым номинацияләрдә лауреатлар аталачак.