Йошкар-Ола шәһәрендә балаларны татар мәдәнияте, милли аш-сулар белән таныштырдылар
Скопировать ссылку
https://tatcentr12.ru/
15 июнь көнне Йошкар-Ола шәһәренең Җәмигъ мәчетендә, мөселман лагере тәрбияләнүчеләре өчен Республика татар мәдәнияте үзәге хезмәткәрләре татар мәдәнияте, милли аш-су һәм милли уеннар турында дәрес үткәрделәр. Бу хакта Марий Эл Республикасының «Республика татар мәдәнияте үзәге» дәүләт автоном мәдәният учреждениесе хәбәр итә.
Балалар татар мәдәнияте, милли аш-су һәм балалар уеннары белән таныштылар. Асфальтта рәсемнәр конкурсы үткәрелде һәм балалар татар музыкасын тыңлап татар милли ашлары рәсемнәрен ясады. Дәрестән соң балалар өчен чәй эчү оештырылды, диелә хәбәрдә.