Йолдыз Миңнуллинаның яңа китабы «Юлбасма» нәшриятында басылып чыкты
Скопировать ссылку
Шагыйрә Йолдыз Миңнуллинаның яңа китабы «Юлбасма» нәшриятында басылып чыкты. Китап шагыйрәнең шигыреннән алынган юллар белән «Җирдә була шундый көннәр» дип атала.
«Йолдыз заманча татар шигъриятендә әһәмиятле урын алып тора. Әмма аның шигырьләрен табып булмый. Мин үз алдыма Йолдызны укучыга ачу һәм әлеге китапның сәнгати чишелешен табу максатын куйдым», – ди китапның нәшире Гүзәл Хәсәнова.
Ул Йолдызны нәкъ менә китап аша ачкан кешеләрнең барлыкка килүен нәшриятның уңышы дип саный.
Китап рәссам Радик Мусинның проект өчен махсус ясалган «наив» стилендәге рәсемнәре белән бизәлгән.