Инвестицион проектларга йөз тоткан кайбер предприятиеләр милеккә салымнан азат ителә

Закон проекты нигезендә, салым ташламалары завод төзелә башлаганнан алып 15 елга кадәр оешма балансында исәпләнгән милеккә карата кулланыла.

Скопировать ссылку

(Казан, 25 октябрь, «Татар-информ», Гөлнар Гарифуллина). Оешмалар мөлкәтенә салым турында республика законының 3 нче маддәсенә үзгәрешләр кертү турында закон проекты беренче укылышта һәм тулаем кабул ителде.

Закон проекты генерацияләүче объектлар төзү һәм яңарту, җитештерү һәм куллану калдыкларын куллану нигезендәге инвестицион проектларны гамәлгә ашыручы оешмаларны милеккә салымнан азат итүне күздә тота.

Икътисад министры Мидхәт Шаһиәхмәтов закон проекты инвесторларны җәлеп итү өчен эшләнгәнен әйтте.

Әлеге инвестицион проектлар РФ Хөкүмәте карары нигезендә конкурс нәтиҗәләре буенча сайлап алынырга тиеш.

Бу электр энергиясе җитештерү буенча проектлар тормышка ашыручы һәм инвестицион проектны гамәлгә ашыру турында килешү төзегән инвестицион эшчәнлек субъектларына кагыла.

Сәхифәләр

Инвестицион проектларга йөз тоткан кайбер предприятиеләр милеккә салымнан азат ителә