Җиңү бик тиз килмәде...
«Татар-информ» мәгълүмат агентлыгы «Җәлил укулары» әдәби конкурсы катнашучыларының эшләрен беренче тапкыр матбугатта тәкъдим итә. Халыкара әдәби бәйге фронтовик язучылар тормышы һәм иҗаты белән кызыксынган шигърият сөючеләр арасында үткәрелә. Оештыручылар – Бөтендөнья татар конгрессы, Татарстанның Мәдәният, мәгариф һәм фән министрлыклары.
Җиңү бик тиз килмәде...
Юкәләр чәчәк аткан чакта,
Лачын кебек ир-егетләр.
Ил бурычын үтәргә дип,
Ватан сугышына киттеләр.
Җиңү көне бик тиз килмәде
Күпме яшьләр яуда калдылар.
Аналарның, япь-яшь кызларның
Йөрәгенә яра салдылар.
Сугышның ачы хәсрәтен,
Бергә-бергә үттеләр.
Бәлки әле кайтыр да диеп,
Өзелеп сагынып көттеләр.
Әле дә саклана яшь сеңгән,
Сандыкта солдат хатлары.
Тиздән Җиңү белән әле,
«Кайтырмын», дип биргән антлары.
Исмәгыйлева Гөлнара Таһир кызы, 2025 ел.