Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Интернетта легаль булмаган исерткеч эчемлек сату 1,6 миллиард сумга җитәргә мөмкин
Россия иң күп эчүче илләрнең берсе булудан туктаган.
(Казан, 22 сентябрь, "Татар-информ"). 2018 елда Интернетта легаль булмаган исерткеч эчемлек сату 1,6 миллиард сумга җитәргә мөмкин. Бу исә 2016 елгыдан 1,5 тапкырга артык дигән сүз. Әлеге хәбәрне Интернет-сәүдә компаниясе ассоциациясе башкарма директоры Артем Соколов хәбәр иткән, дип җиткерә “Известия”.
“Интернетта 2016 елда легаль булмаган алкоголь базары 1,1 миллиард сумны тәшкил итте, 2018 елда исә 1,6 миллиард сумга җитәргә мөмкин”, – дигән Соколов “Алкоголь базары: тыюлардан – үсешкә” форумында.
Ул, ассоциация мәгълүматлары буенча, Россия халкының интернеттан хәмер сатып алу буенча ай саен 300 меңнән артык сорау булуын җиткергән. “Ягъни елына сатып алуга 3,6 миллион сорау була”, – дип билгеләп үткән Соколов.
Алдан Сәламәтлек саклау министрлыгы Финанс министрлыгының интернеттан исерткеч эчемлек сатып алуны легальләштерү турындагы проектына каршы чыккан иде. Идарә тармагында исерткеч эчемлекне дистанцион юл белән сату алкоголь продукциясенә визуаль реклама белән бара, ә бу исә хәмер куллануны арттырачак, дип билгеләп үттеләр.
Сәламәтлек саклау министрлыгы билгеләп үтүенчә, хәзер Россиядә алкоголь продукциясен куллану кими бара. Россия иң күп эчүче илләрнең берсе булудан туктаган.
Кызыклы яңалыкларны күзәтеп бару өчен Телеграм-каналга язылыгыз