Җәмгыять 13 гыйнвар 2010 11:38

Интернет сөючеләр Беляев Рәис Кыям улына багышланган күргәзмә белән таныша ала

Татарстан Республикасы Тарихи-сәяси документларының үзәк дәүләт архивы битендә “Күргәзмәләр” битендә Беляев Рәис Кыям улына багышланган күргәзмә урнаштырылды

Скопировать ссылку

(Казан, 13 гыйнвар, “Татар-информ”). Татарстан Республикасы Тарихи-сәяси документларының үзәк дәүләт архивы битендә “Күргәзмәләр” битендә Беляев Рәис Кыям улына багышланган күргәзмә урнаштырылды. Үзәк дәүләт архивында Р.Беляевның документлары һәм фотографияләре саклана. Аларның кайберләре Интернет сөючеләргә тәкъдим ителә дә инде.

Беляев Рәис Кыям улы - КПССның XXIII- XXVI съездлары делегаты, берничә чакырылышта ТАССР һәм РСФСРның Югары Совет депутаты булып сайланган. Ике Ленин ордены, Октябрь Революциясе, Хезмәт Кызыл Байрагы орденнары, Почет билгесе һәм медальләр белән бүләкләнгән.

Ул 1960-1961 елларда - ВЛКСМның Казан шәһәре Совет райкомы беренче секретаре, 1961-1963 елларда – ВЛКСМның Татар өлкә комитеты икенче секретаре, 1963-1969 елларда ВЛКСМның Татар өлкә комитеты беренче секретаре булып эшли.

Р.Беляев 1969 елның мартында КПССның Казан шәһәре Бауман райкомы беренче секретаре булып сайлана. 1969-1984 елларда – КПССның ТАССР Яр Чаллы, Брежнев шәһәр комитеты беренче секретаре, 1984-1987 елларда - КПССның ТАССР өлкә комитеты секретаре, 1987-1996 елларда – Казан дәүләт мәдәният институты ректоры.

Сәхифәләр

Интернет сөючеләр Беляев Рәис Кыям улына багышланган күргәзмә белән таныша ала