Казанны үстерү институты «Кремль причалы» эскизларын тәкъдим итте
Казанны үстерү институты «Кремль причалы» проектының эскизларын тәкъдим итте, ул Казансу ярында яр буе зонасын төзекләндерүне һәм җәяүлеләр маршруты, ял итү зоналары һәм мәйданчыклары булган заманча күп функцияле иҗтимагый киңлек булдыруны күздә тота.
Билгеләп үтелгәнчә, проект концепциясе «Казан – судагы шәһәр» елга инфраструктурасын үстерү нигезендә эшләнгән һәм елга сервисы стандартларына туры килә.
Эскиз: Казанны үстерү институты
Проект берничә этапта гамәлгә ашырылачак. Беренче этапта кече үлчәмле пассажир флоты өчен причаллары булган йөзмә күпер ясау ниятләнә, ул агымдагы елда ук гамәлгә ашырылырга тиеш.
Икенче этапта Казансу һәм Идел акваторияләре буйлап елга трамвайлары һәм җәяүлеләр маршруты өчен өстәмә йөзмә күпер, шулай ук шәхси катерлар өчен аерым причал төзү каралган.
Эскиз: Казанны үстерү институты
Шулай ук янәшәдәге территорияне яшелләндерү, биредә яктырткычлар, эскәмияләр урнаштыру күздә тотыла. Яңа киңлек яр буендагы җәяүлеләр каркасының бер өлеше булачак.