Инсаф Абдулла: Тел булганда гына милләт милләт булып саклана ала
Әлмәттә «Татар кызы – 2026» республика бәйгесенең җиңүчесен билгеләделәр. Катнашучыларның Тукай иҗаты аша тел нәфислеген дә бәяләделәр. Кызлар белән сөйләм культурасы буенча Татарстанның атказанган артисты, педагог һәм нәфис сүз остасы Инсаф Абдулла эшләгән. Ул Татарстан этабында катнашучы кызларның телләренең камил булуын билгели.
«Татарстан кызлары белән эшләве, әлбәттә, җиңелрәк. Шәхсән минем фикеремчә, алар телне яхшы дәрәҗәдә белә. Төрле регионнардан килгән кызлар белән тел мәсьәләсе бераз четерекле.
«Татар кызы»нда катнашучы кызлар телне камил белергә тиеш. Тел булганда гына милләт милләт булып саклана ала. Кызлар – бигрәк тә киләчәк буынны тәрбияли торган кешеләр. Беркемгә дә ышанырга ярамый. Бары тик бар нәрсәне үз өстеңә алып, дилбегәне үз кулыңда тотырга кирәк. Мин кызларга шушы әйберләрне дә аңлатырга тырыштым, – ди ул.
«Татар кызы – 2026» республика бәйгесе финалы турында тулырак «Интертат» сайтында Милена Новикова язмасында укый аласыз.
