Җәмгыять 13 декабрь 2017 19:22

Иннополиста яшәүчеләр өчен 15 кибет эшләячәк

Югары технологияләр шәһәрендә 700дән артык фатирлы ике йорт төзелә.

Скопировать ссылку

(Казан, 13 декабрь, «Татар-информ», Наталья Рыбакова). Татарстанның Иннополис шәһәрендә 15 яңа кибет ачылырга тиеш. Тиздән биредә популяр сәүдә үзәгенең азык-төлек кибете эшли башлаячак. Бу хакта бүген Казанда журналистлар белән очрашуда вице-премьер – Татарстан Республикасы мәгълүматлаштыру һәм элемтә министры Роман Шәйхетдинов хәбәр итте.

Югары технологияләр шәһәрендә социаль инфраструктура актив үсеш ала, әмма хәзердән үк даими яшәүчеләр өчен торак җитмәве сизелә. Министр сүзләренчә, хәзер биредә 700дән артык фатирлы ике йорт төзелә.

Иннополиста таунхауслар шулай ук популяр, аларга 10-20 заявка бирелде, диде министр.

Хәзер Иннополиста эре сәүдә челтәре кибете эшли. Тиздән биредә «Пятерочка» кибете ачылачак.

#Иннополис #Татарстан #архитектура

Сәхифәләр

Иннополиста яшәүчеләр өчен 15 кибет эшләячәк