Җәмгыять 10 февраль 2015 16:59

Иннополиста Россия почтасы бүлеге ачылды

Ул Попов исемендәге технопарк территориясендә урнашкан һәм 420500 почта индексын алган

Скопировать ссылку

(Казан, 10 февраль, «Татар-информ»). Иннополис тормыш итәр өчен кирәкле инфраструктура элементларын булдыруны дәвам итә. Хәзер шәһәрдә Россия почтасы бүлеге ачылды. Ул Попов исемендәге технопарк территориясендә урнашкан һәм 420500 почта индексын алган.

Беренче булып яңа бүлек хезмәтләреннән Иннополис университеты студентлары һәм хезмәткәрләре файдалана ала. Университет кампусына күченү башланган инде.

Иннополис университеты биналары комплексы уку-лаборатор корпус, спорт һәм торак комплексыннан тора. Барлык объектларның гомуми мәйданы якынча 75 мең квадрат метрны тәшкил итә һәм 2 мең студентка исәпләнгән, киләчәктә 5 меңгә кадәр арттырыла ала.

2015 елда Иннополис университеты, Попов исемендәге технопарк, торак һәм социаль инфраструктура, хезмәт күрсәтү объектлары, шулай ук кирәкле инженерия коммуникацияләре файдалануга тапшырылачак, дип хәбәр итә ТР Мәгълүматлаштыру һәм элемтә министрлыгы матбугат хезмәте.

Сәхифәләр

Иннополиста Россия почтасы бүлеге ачылды